პროექტებით სწავლება: ტრეინინგის ამსახველი ფოტომასალა

პროექტებით სწავლება: ტრეინინგის ამსახველი ფოტომასალა

მეცხრე დღის რეფლექსია

ტრენინგის ბოლო დღეა და მიუხედავად იმისა, რომ ძალიან შრომატევადი დღეები გვქონდა(ცოტა დამღლელიც) მაინც გული მწყდება, რომ დამთავრდა. ჩემი პროფესიული განვითარებისთვის  ეს ტრენინგი უმნიშვნელოვანესია, იმდენი საინტერესო და საჭირო ინფორმაცია მივიღეთ,რომ დარწმუნებული ვარ, თითოეული მონაწილე უფრო თავდაჯერებულად  და მონდომებით გააგრძელებს თავის საქმიანობას.დღეს ავტვირტეთ ბლოგზე ჩვენი პორთფოლიოები, გავაკეთეთ პროექტის პრეზენტაციები, გავუზიარეთ ერთმანეთს რჩევები და სურვილები. არა მარტო გავუზიარეთ, არამედ გავითვალისწინეთ კიდეც.
 დიდი მადლობა მინდა გადავუხადო ზოგადად ამ პროექტის ორგანიზატორებს და განსაკუთრებით, ჩვენს არაჩვეულებრივ ტრენერს ქალბატონ შორენა ბადურაშვილს იმ ტიტანური შრომისთვის, რასაც ის გადის მიზნის მისაღწევად.
 ყველა პედაგოგს ვურჩევ გაიაროს ეს ტრენინგი!
 გისურვებთ წარმატებას!

მერვე დღის რეფლექსია

დღეს ძალიან ბევრი ვიმუშავეთ და ნაყოფიერადაც, ფაქტიურად შევაჯამეთ ჩვენი ნამუშევრები, დავამატეთ, შევცვალეთ. ვისწავლეთ კითხვარების , სურათების , ფოტოებისა და ვიდეო მასალის გამოქვეყნება ბლოგზე. დავალაგეთ ჩვენ მიერ შექმნილ საქაღალდეებში საჭირო მასალები.ვემზადებით პროექტის პრეზენტაციისათვის...
 ძალიან,ძალიან კმაყოფილი  ვარ ტრენინგის.

პროექტის გეგმა

მოსწავლის ნიმუში

მეშვიდე დღის რეფლექსია

დღეს გავიარეთ მეექვსე მოდული-დაგეგმვა მოსწავლეთა წარმატებისათვის.    აუცილებლად უნდა გავითვალისწინო ყველა მოსწავლის შესაძლებლობა და ისე უნდა დავტვირთო პროექტზე მუშაობისას, ასევე ხელი უნდა შევუწყო მოსწავლეთა მრავალმხრივი ინტელექტის განვითარებას.გავაკეთე სპეციალური საჭიროების მქონე მოსწავლისათვის პრეზენტაციის შაბლონი. ჩემი შექმნილი მასალები (პროექტზე მუშაობის) საჭიროებს დახვეწას, იმედია, შევძლებ ,რომ პროექტი საინტერესო და სრულყოფილი იყოს.

მეხუთე დღის რეფლექსია

   დღეს გავეცანით საავტორო უფლებების შესახებ ინფორმაციას, განვიხილეთ სასარგებლო ვებსაიტების ეფექტურად მოძიებისა და გამოყენების მეთოდები. ვისწავლეთ ერთმანეთის ნაშრომების კომენტირება. დავათვალიერეთ  მოსწავლეთა ნამუშევრების ნიმუშები, გავაგრძელეთ მუშაობა პროექტის პრეზენტაციაზე, დღე იყო სასიამოვნოდ დატვირთული. ჩემთვის უფრო ნათელი გახდა , თუ რა საკითხები უნდა დავხვეწო პროექტის სრულყოფისათვის.

მეოთხე დღის რეფლექსია

დღეს განვიხილეთ შეფასების სხვადასხვა მეთოდები. ძირითადი თემა იყო : შეფასების განსაზღვრა მოსწავლეთ საჭიროების დასადგენად. ვიმუშავეთ პროექტის შეფასების სტრატეგიებზე. ჩემთვის ნათელი გახდა, როგორ შევაფასო მოსწავლეთა წინარე ცოდნა და პროექტზე მუშაობის პროცესი.

მესამე დღის რეფლექსია

დღევანდელი ტრენინგიც ძალიან საინტერესო იყო,ჩამოვაყალიბეთ საგნობრივი სტანდარტები და მიზნები პროექტისათვის, ჩამოვწერე მიზნობრივი კითხვები: ზოგადი,თემატური და შინაარსობრივი .


ჩემი ბუკლეტი

მიმართულების მიმცემი საკვანძო შეკითხვები
ზოგადი კითხვა	თქვენი აზრით, რა არის წუთისოფელი?
თემატური კითხვები	წარმოდგენილი ნიმუშების მიხედვით, როგორ აფასებენ ჩვენი წინაპრები წუთისოფლის რაობას? შეიცვალა თუ არა ქართველების დამოკიდებულება ტრადიციების მიმართ.?
შინაარსობრივი კითხვები	რომელ საუკუნეში ჩამოყალიბდა ფოლკლორისტიკა, როგორც მეცნიერება?

მეორე დღის რეფლექსია

ტრენინგი უფრო საინტერესო ხდება. დღეს გავეცანით საინფორმაციო ბუკლეტებისა და სხვა პუბლიკაციური გამოცემების მომზადებასა და შექმნას, ასევე ნიმუშებს.გავაკეთე ჩემი პროექტის დაგეგმვისა და დიზაინის მონახაზი.ჩემთვის უფრო ნათელი გხდა განსახორციელებელი პროექტის მიზნები და შედეგები. დიდი მადლობა ტრენერს.

პირველი დღის რეფლექსია

პირველიდღეიყო ძალიან საინტერესო, ვფიქრობ, რომ ეს ტრენინგი იქნება ნაყოფიერი, იგი დამეხმარება სასწავლო პროექტების სწორად და ხარისხიანად დაგეგმვა– განხორციელებაში, ასევე.მოსწავლეთა მოტივაციის ამაღლებაში. დარწმუნებული ვარ, რომ აღნიშნული ტრენინგის გავლით ჩემი პროფესიული საქმიანობა უფრო სრულყოფილი იქნება,